«Қыста кітап оқимыз, жадымызда тоқимыз»  Кітап- баланың мәдениетті болып өсуіне тәрбие беріп, рухани дүниесін байытуға атсалысады. Кітап оқыған бала қашан да зерек, алғыр әрі ойы жүйрік болып қалыптасады. Сол себепті, бүлдіршінді жастайынан кітапқа баулу керек. Мақсаты: Оқушылардың қысқы каникулда уақыттарын тиімді өткізу және кітап оқуға баулу

"Оқуға құштар мектеп" жобасы аясында 1 сынып оқушыларына «Кітапханаға саяхат» өткізілді. Білімнің кілті кітап арқылы берілетінін ұғындыру, кітаптың адам өміріндегі маңызы, ғылым мен білімнің пайдасы жайлы түсіндіру, оқушылардың бойында ұлттық сананы ояту, кітапқа деген қызығушылығын арттыру, сүйіспеншілік, мақтаныш сезімін ұялату, ұлттық рухты сіңіру. Кітапты сүюге, оны күтіп, таза ұстауға тәрбиелеу. Кітапханадағы кітап көрмелерімен таныстыру.

Мектеп кітапханаларының құжаттарын бірізділікке салу мақсатында, Іле ауданы бойынша білім бөлімінің №662-бн/қ бұйрығына сәйкес мектебімізде құжаттарға зерделеу өткізілді. 

Іс-шараның басты мақсаты-кітаптың асыл қазына екенін ұғындыра отырып,  насихаттау, балалардың оқуға деген қызығушылығын қолдау, сондай-ақ әртүрлі авторлармен, жаңа келіп түскен кітаптармен танысу.

Оқушыларға Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру мақсатында тақырып бойынша кітапханада оқушыларға кітап көрмесі жасалып, таныстырылды.

Бәсекеге қабілеттіліктің басты мақсаты- білім, ал білімнің кәусар бұлағы кітап екені бәрімізге белгілі. Сондықтан, еліміздің болашағы жастардың ғылым, білім жолындағы өмірлік құлшынысына жолдама беретін ірі мәдени –рухани орталыққа айналып отырғаны кітапхана екені баршаға мәлім. Оқырмандарды кітапханаға тарту, кітапқа деген құрмет, сүйіспеншіліктерін қалыптастыру, дамыту, кітап арқылы оқушылардың жандүниесін кеңейту мақсатында, «Үнемі оқитын адам-табысты адам» тақырыбында танымдық сағат өтті.

Ертегілер – ауыз әдебиетінің ең көне жанры болып табылады. Ертегілерде оқиғасы өмірде сирек кездесетін не болмаса адамның қиялынан туған, өмірде мүлдем кездеспейтін оқиғалар баяндалады. Ертегілер көбінесе қарасөз түрінде айтылады. Қазақ ертегілері үш жікке бөлінеді: 1) қиял-ғажайып ертегі; 2) хайуанаттар жайлы ертегілер; 3) тұрмыс-салт ертегісі. Тұрмыс-салт ертегілерінде өмірде болған, болуға тиіс оқиғалар туралы айтылады. Кейіпкерлері де – өмірде болған қарапайым еңбек адамдары.

Мектеп кітапханасының жоспары бойынша "Бізді ақылды ететін кітап - дана" тақырыбында мектеп ұстаздары мен оқушылар арасында блиц сауалнама өтті. Сауалнамаға барлығы белсене қатысты. 

Қазақ әдебиетінің аса көрнекті өкілдерінің бірегейі - Бейімбет Майлиннің туғанына 130 жыл толуына орай кітапханада кітап көрмесі жасалып, оқушыларға өмірбаяны мен шығармалары таныстырылды. Өткізген кітапханашы Калметова А.К.

Кітапханашылар күніне орай №49 орта мектепте аудандық семинар өтті. Аудан мектептерінің кітапханашылары қатысты.